2010年3月28日 星期日

荷維艷顏霜

「狂徒誌」昨日post第一篇網誌之後,幸得以前yahoo blog友過來捧場支持,回應人數認為非常理想,另外一些以前在yahoo blog的blog友,都陸續轉來blogger,因為大家都不滿yahoo blog的問題叢生。另外一些blog友覺得yahoo用慣,都不想轉,這要要諒解他們。有個blog友龍之天地 Wing's World就寫了一篇blog文,是有我的名字,這位龍兄真犀利,他每日都post新blog文,經常會借題發揮,我都是在他的身上學習回來,日日用不同話題update blog文。



這個「點只廣告咁簡單」專題,每星期都會揀選一些舊廣告,發揮一下。

這個「荷維艷顏霜」廣告,1979-80年左右,經常在電視台下午播出,童年時成日睇,好有印象,通常係「克療痰」之後會買,那個廣告佈景是影著郊外靚景,花草遍地,見到有個金髮外籍姑娘仿如開心好靚心情好free的表情,之後影著那枝艷顏霜,那個廣告女佈幕員說:「靚靚靚,高貴既女士,都係用荷維艷顏霜。」

好多童年時睇過的電視廣告,除這個外,還有西瓜刨的《余仁生》廣告,即是那個對白:「去旅...旅....旅行」等等,都希望在今日再睇。

現時youtube可以讓大家分享這些舊電視廣告,不過最重要是有心人能保留這些舊電視錄影帶,以及肯上載讓大家分享,總希望當年如果有錄這些廣告的朋友,可以上載到youtube,讓大家分享一下童年情懷。





標籤:

9 個意見:

2010年3月28日 晚上9:47 , Blogger Fun 提到...

對於荷維艷顏霜既tvc,除左句slogan之外,最深刻既莫過於鏡頭高炒洋妞的“洪溝”(她正在開手袋拎支荷維艷顏霜出黎)!!

 
2010年3月28日 晚上10:00 , Blogger 狂徒誌 提到...

多謝你的留言,估唔到寫咗唔夠幾日,都有人留意。

呢個洋妞洪溝,都係賣點,同埋個d音樂,同好似煙霧彌漫的情景,好似去戲院睇"鹽花"咁,所以真有印象。

同一時間,還有一個廣告,係止汗劑"mum"又係好有印象

 
2010年3月28日 晚上11:10 , Blogger Wordy 提到...

狂徒先生:

您好!最近從 Agnes 那邊進入你的舊網誌,然後再到這一處。您的文章資料翔實,而且取材間中顯出別致的小眾趣味,例如介紹王宇凰、高妙思等女藝員,篇篇都很有讀閱價值。

希望能逐漸讀完你在 Yahoo 的舊文。說實話,現在你搬來 Blogger 太好了,留言方便得多。

最後,很感謝您喜歡我那多多字少少圖的悶 blog :)

 
2010年3月28日 晚上11:18 , Blogger 狂徒誌 提到...

wordy:

我都係從agnes tse的blog見到你的網誌,你的介紹的藝人,如潘志文、劉志榮、
文雪兒等,資料非常詳細,有好多我係不知道的,大家混合一看,可以窺探當年香港娛樂史。

我的yahoo舊文,都希望搬進這裡,可惜的是要花太多時間。

我最佩服你可以每日update新文章,好有毅力。

 
2010年3月29日 凌晨3:55 , Anonymous i-Joel 提到...

噢...呢個廣告應該最先應該系電影院放映,之後無記開台,再播放了近15年左右。
我很小的時候(1970年左右)就已經見到了!
「克療痰」我都記得。那年代的廣告最喜歡就是立竿見影式的去推銷產品,管它效果如何,賣左至算!

 
2010年3月29日 凌晨4:19 , Blogger 狂徒誌 提到...

嘩,呢個廣告咁耐架啦,真係多謝i-joel提供寶貴資料。當年好記得個把廣告聲同音樂。同埋真係只有無線至播出,麗的電視好似沒有

至於克療痰,好記得中間個大肺,同埋四個老少個咳款,最正就係20年都賣呢個廣告,個個男人款7幾年西裝同關刀呔,同埋個阿婆個件陶三姑裝,這30年都在腦海中重現,證明當年的廣告效果係立竿見形,唔駛諗咁多綽頭

 
2010年3月29日 清晨7:42 , Blogger Ynnad 提到...

留個腳印先~~~之前我有響yahoo blog睇你文章的,不過你話close yahoo blog,好彩有google,一search就搵到呢度,希望以後可以有更多機會拜讀你既文章

 
2010年3月29日 下午6:23 , Blogger 狂徒誌 提到...

ynnad: 咁都俾你追到,好嘢,以後就係呢度多多聯絡啦

 
2012年7月22日 上午9:03 , Anonymous 匿名 提到...

路過睇見尊兄文章有所共鳴.
我70年代喺青山腳下的'聖西門小學就讀.
以前學校前面的馬路叫做白角路現在改名青雲路.

 

張貼留言

訂閱 張貼留言 [Atom]

<< 首頁